TINGNAN| Pinangunahan ni Provincial Administrator Atty. Maria Rosario Mamba-Villaflor ang isinagawang pagpupulong ngayong Biyernes, Enero 24, 2025 upang pag-usapan ang kahandaan sa pagdaraos ng 2025 National Private Schools Association (PRISAA) sa lalawigan. Bahagi nito ay binusisi rin ni Atty. Mamba-Villaflor ang kasalukuyang estado sa pagsasaayos ng mga sports facility ng Pamahalaang Panlalawigan ng Cagayan kasama ang iba pang kagamitan na gagamitin sa naturang palaro.

Binigayang-diin pa nito ang kahalagahan ng maayos na pagdaraos ng palaro alinsunod sa pagnanais ni Gov. Manuel Mamba na maipakita ang disiplina, husay, at galing ng mga Cagayano na pangunahan ang 2025 National PRISAA katuwang ang mga opisyal nito sa pangunguna ni PRISAA National President, Dr. Esther Susan Perez-Mari.

Kasama rin sa pagpupulong sina Cagayan Provincial Tourism Officer, Jeniffer Junio- Baquiran, Provincial Health Officer, Dr. Rebecca Battung, Provincial Engineering Officer, Engr. Kingston Dela Cruz, at iba pang kinatawan mula sa iba pang departamento ng Pamahalaang Panlalawigan ng Cagayan.